Hay’adda Hormuud foundation oo billaawday olole deeq lagu gaarsiinayo 10,000 oo qoys+Sawirro

Qeybinta deeqdaan ayaa waxey hordhac u tahay barnaamijka Taakuleynta dadka danyarta ah oo bisha barakeysan ee Ramadaan ay ku caawiso hay’adda Hormuud Foundation, waxeyna hay’addu ugu tala gashay in ay ka faa’ideystaan 10,000 oo qoys(Toban kun oo qoys),iyadoona maanta olole lagu daah-furayay barnaamijkaan deeq lagu gaarsiiyay qoysas ku nool deegaanka KM-13 ee magaalada Muqdisho.

Qaar kamid ah barakacayaasha ku nool KM-13 oo maanta ka faa’ideystay barnaamijkaan ayaa Hormuud Foundation uga mahadceliyay deeqdaan, iyagoo sheegay in waqti ay u baahnaayeen lasoo gaarsiiyay maadaama bisha barakeysan ee Ramadaan maalmo ay ka harsanyihiin.

Guddoomiyaha Hay’adda Hormuud Foundation Cabdullaahi Nuur Cismaan ayaa sheegay in barnaamijkaan la gaarsiin doono dhammaan dadka u baahan ee ku nool Gobolka Banaadir madaama ay fooda nagu soo heyso bisha barakeysan ee Ramadaan, cudurka karoona fayrisna uu dadka danyarta saameyn xoogan ku yeeshay.

 

LEAVE A REPLY

Please enter your comment!
Please enter your name here