Hay’adda IOM oo xog arruurin ka soo sameysay barakacayaal ku nool Baydhabo “SAWIRRO”

Hay’adda IOM ayaa sheegtay in ay xog wareysi ku saleysan xaaladda nolosha iyo waxyaabaha ay u baahanyihiin ay la yeelatay qaar ka mid ah qoysaska barakacayaasha ee ku nool gudaha magaalada Baydhabo iyo duleedka magaalada.

Xog uruurintan oo socotay muddo isbuuc ah ayaa waxaa laga qaaday 260 qoys oo qof qof loo wareystay si loo qiimeeyo waxa ugu muhiimsan oo ay barakacyaasha u baahan yihiin.

64% waxay sheegeen in ay ku nool yihiin Hooy ay dantu ku qasabtay oo xaaladda deg dega ah.

36% waxay sheegeen in ay ku nool yihiin Hooy aan wanaagsaneyn oo ku meel gaar ah .

Majiro qoys barakac ah oo sheegay in ay deganyihiin guri rasmi ah sida xogta lagu ogaaday.

52% waxay sheegeen in guryaha ay dagan yihiin ay ka sameysteen qashin iyo alaabo dadku iska tuureen.

34% oo kaliya ayaa sheegay in ay hooy ka sameystaan agab heyadaha gargaarka ay ka helaan.

95% waxay tilmaameen in guryaha ay ku hoydaan badanaa wax yeelo ka soo gaarto roobabka,dabeysha iyo cadceeda.

Dadka barakacayaasha ee ku nool nawaaxiga Beydhabo waxaa ay la hardadayaan sidii ay ku heli la haayeen Hooy wanaagsan biyo nadiif ah, caafimaad iyo waxbarasho.

392,274 qof oo ku nool xeryaha barakacyaasha waxaa carruurtooda iskuul ka aada 8% sida xog uruurinta lagu ogaaday.

LEAVE A REPLY

Please enter your comment!
Please enter your name here