Hay’adda Qadar Charity oo daah furtay mashruuc lagu afurinayo Kumanaan danyer ah+sawirro

Iyadoo lagu guda jiro bisha barakaysan ee Ramadaan ayna jiraan dadbadan oo danyer ah oo aan awoodin in noloshooda ay maareeyaan ayaa waxaa bilowday dadaalo lagu afurinayo dadka danyerta ah.

Hay’adda Qatar Charity oo kamid ah  hay’addaha mashaariicda horumarineed ka wada dalka ayaa magaalada Muqdisho iyo gobolada dalka qaar kamid ah ka hirgelisay xarumo loogu talagalay in lagu afuriyo dadka sooman oo danyerta ah,taasi oo loogu talagalay in lagu kaabo noloshooda inta lagu guda jiro bisha Ramadaan.

Qoysaska ka faa’idaysanaya mashruucan ayaa gaaraya kumanaan qoys oo ku kusgan magaalada Muqdisho iyo Gobolada Dalka Soomaaliya qaarkood,iyadoo uu mashruucan sii socon doono inta bisha Ramadaan lagu guda jiro.

Madaxa hay’adda Qatar Charity ee xafiiska Soomaaliya mudane Cabdinuur Xaaji Cali Mursal ayaa sheegay in hay’adda Qatar ay markasta ka go’antahay in ay sii laba jibaarto howlhii samafal oo ay u haysay bulshada Soomaaliyeed.

“Waxaa ka go’an Hay’adda Qadar Charaty in ay dardargeliso caawinaada bulshada Soomaaliyeed,hadda Ramadaanka waxaan sameynay xarumo loogu talagalay in lagu afuriyo dadka Saa’imiinta ah,Muqdisho iyo Gobolada Dalka,waxaa mashruucan hadda ka faa’idaysanaysaa ilaa 4500 oo qoys,kuwaasi oo kamid ah bulshada danyerta ah”. Ayuu yiri Cabdi Nuur.

Hay’adda Qatar Charity ayaaa Soomaaliya ka fulinaysaa mashariic horumarineed iyo kuwo samafal ah,waxaana kamid ah,daryeelaka Agoonta,gurmadka abaaraha,waxbarashada,Caafimaadka iyo mashaariic kale oo badan,kuwaasi oo loogu talagalay in ay ka faa’idaystaan bulshada Soomaaliyeed.

 

 

 

Did you like this? Share it:

LEAVE A REPLY

Please enter your comment!
Please enter your name here