Hector Cuper: “Xaaladda Saalax waa ay soo hagaageysaa”

737

Tababaraha qaranka Masar Hector Cuper, ayaa rajo wanaagsan ka muujiyay xaaladda Maxamed Saalax ee ku aadan ka qeyb galka koobka adduunka.

Weeraryahanka Liverpool ayaa qeybta hore cayaartii kama dambeysta ee koobka Champions League oo ay la qaateen Real Madrid waxa ay isku dhaceen kabtanka naadiga cadcadka Sergio Ramos.

Saalax, ayaa maalin ka hor waxa uu kasoo muuqday 23-xiddig ee koobka adduunka, horay ayaa loo sheegay daweynta xiddigan inay qaadan doonto daweyn seddex toddobaad ah.

“Saalax daweyntiisa meel wanaagsan ayey mareysaa, war wanaagsan ayaan ka heleynaa dhakhtarka xaaladdiisa gacanta ku haayo, waxaan rajeynayaa ka hor kullanka aan la leenahay Uruguay inuu diyaar noqdo.” Cuper ayaa haddalkan u sheegay Sky Sports News.

Maxamed Saalax ayaa sannadkan noqday laacibka ugu wanaagsan horyaalka waddanka Ingiriiska, sidoo kale waxa uu ku guulleystay gooldhallinta horyaalkaasi.

Did you like this? Share it:

LEAVE A REPLY

Please enter your comment!
Please enter your name here