Heshiis horudhac ah oo laga gaaray beelo ku dagaalamay duleedka magaalada Baledweyne “SAWIRRO”

Wafdigii ka socday Dowladda Federaalka Soomaaliya iyo kan Hirshabeelle oo Beledweyne u joogay xalinta colaad labo beel oo walaalo ah oo ku dagaalamay duleedka magaalada ayaa maanta ku guulaystay in heshiishyo hor dhac ah laga gaaro.

Wafiga oo maanta tegay deegannada kala ah Baladu Nuur iyo Dabeel ayaa sheegay in wixii maanta ka dambeeyo colaadda ay dhamaatay, isla markaana gogol nabadeed bilaaban doonto si loo dhameystiro dib u heshiisiinta.

Guddoomiye ku-xigeenka koowaad ee Baarlamaanka Dowlad Goboleedka Hirshabeelle Siraaji Sheekh Isxaaq ayaa codsaday in Nabadda la ilaaliyo, ayna u yimaadeen in waxkasta lagu dhameeyo miiska wada hadalka.

Wasiir ku-xigeenka Wasaaradda Gaashaandhigga ee Xukuumadda Federaalka Soomaaliya Mudane Cabdifataax Qaasim ayaa sheegay in lagu guuleystay wajiga koowaad ee xalinta colaadda, isal markaaana la qaban doono shirweyne lagu dhameystirayo heshiiska laga gaaray colaadda labada beelood, isagoo ku baaqay in Nabadda la adkeeyo.

 

LEAVE A REPLY

Please enter your comment!
Please enter your name here