Hey’ad Talyaani ah oo Jubaland ka caawin doonto waxbarashad

1601

Wefdigan oo uu hogaaminayay wasiiro dowlaha wasaaradda arimaha iyo federaalka C/rashiid Maxamed Xidig oo ay kamid ahaayeen mas’uuliyiin ka tirsan safaaradda Talyaaniga ee Soomaaliya ayaa markii ay gaareen magaalada Kismaayo waxaa  ay booqdeen dekada weyn ee Kismaayo,goob lagu dhisayo xabsi, xarunta Bankigii hore ee ganacsiga oo hadda dib u dhis uu ku socdo iyo goobo kale.

Mas’uuliyiinta oo horkacyo wasiiro dowlaha iyo xubno ka tirsan maamulka Jubaland ayaa kulan saacado qaatay waxaa ay ku yeesheen magaalada Kismaayo kaas oo ku saabsanaa sidii dowladda Talyaaniga mashaariic horumarineed ugu fulin laheyd magaalada gaar ahaan dhanka waxbarashada.

Madaxweyne ku xigeenka labaad ee dowlad goboleedka Jubaland C/qaadir Xaaji Maxamuud “ Suldaan-Luga dheere” oo la hadlay warbaahinta ayaa sheegay in ay heshiisyo la saxiixdeen dowladda Talyaaniga kaas oo ku saabsan waxbarashada.

“Waxaan maanta farxad noo ah in aan heshiis lagu tababaraayo 3,000 ruux oo aqoon yahno oo xirfado kala duwan la siinaayo muddo lix bilood ah la galnay hey’ad caalami ah oo Talyaani ah tababaradaasi si dhaqso leh ayay u bilaabmi doonaan anaga waxaan diyaarinay dhulkii laga dhisi lahaa”, ayuu yiri Suldaan Lugadheere.

Heshiiska maanta ay la saxiixdeen maamulka Jubaland dowlada Talyaaniga ayaa waxaa ku jira in magaalada Kismaayo laga hirgeliyo machad lagu barto farsamada gacanta kaas oo ay maalgelinayso dowladda Talyaaniga.

Wasiiro dowlaha arimaha gudaha iyo federaalka C/rashiid Maxamed Xidig ayaa dhankiisa sheegay in uu ku faraxsan yahay ka wasaarad arimo guda ahaan heshiiska maanta Kismaayo lagu saxiixay, isagoo sheegay in tababarada noocaan ah guud ahaan lagu baahin doono dalka.

Mudane Xidig ayaa sidoo kale sheegay in magaalada Kismaayo ay ka socdaan horumaro dhan kasta leh,waxaana uu intaa ku daray in ay ka kulmeen madaxweynaha Jubaland, xubnaha Baarlamaanka iyo xubno ka tirsan wasiirada dowlad goboleedka Jubaland, isagoo shacabka deegaanadaasi ugu baaqay in ay adkeeyaan amniga.

Did you like this? Share it:

LEAVE A REPLY

Please enter your comment!
Please enter your name here