Hey’adda Hormuud Foundation Oo Boqol Kun Oo Dolar Ugu Deeqday In Lagu Caawiyo Qaxootiga Yemen

0
1825

Hey’adda Hormuud Foundation ayaa  Guddiga Badbaadinta iyo samatabixinta Qaxootiga Soomaaliyeed ee Dalka Yemen ugu Deeqay deeq lacageed oo gaareysa 100,000(boqol kun oo dolar) oo loogu talo galay in lagu caawiyo dadka Soomaaliyeed ee ku dhibaateysan Dalka Yemen.

Guddoomiyaha guddiga Bad-baadinta iyo Samtabixinta Qaxootiga Yemen Sheekh Nuur Baaruud Gurxan oo goor dhow la hadlay Radio muqdisho ayaa u sheegay in Hey’adda Hormuud Foundation ay ugu deeqday lacagtaasi in lagu caawiyo dadkaasi Soomaaliyeed ee ku dhibaateysan dalka Yemen, waxaana Hey’adani uu ku ammaanay caawimaada ay caawineyso dadkaasi, isagoo xusay in loo baahanyahay hey’adaha,ganacsatada, iyo cid kasta oo wax heysata in ay caawiyaan dadkaasi oo u baahan caawimaad dhab ah.

Dhinaca kale Guddoomiyaha guddiga Bad-baadinta iyo Samtabixinta Qaxootiga Soomaaliyeed Ee Yemen Sheekh Nuur Baaruud Gurxan waxaa uu ka hadlay 24-kii saac ee la soo dhaafay waxyaabihii u qabsoomay guddiga oo uu sheegay in maanta kulamo ay la qaateen mas’uuliyiin ka tirsan Dowladda oo ay ka mid yihiin guddoomiyaha gobolka Banaadir oo uu xusay in uu balanqaaday in ay siinayaan dhulal Qaxootiga Yemen ee Soo gaaraya Muqdisho kuwaa oo ay dagi doonaan

Guddoomiyaha guddiga Bad-baadinta iyo Samtabixinta Qaxootiga Soomaaliyeed Ee Yemen Sheekh Nuur Baaruud Gurxan ayaa sidoo kale sheegay in Madaxweyne Xasan Sheekh ay la kulmeen islamarkaana uu umuujiyay sida ay ugu go’antahay garab istaaga Qaxootiga Soomaaliyeed Yemen, waxaana uu xusay in shaqaalaha Dowladda iyo Ciidamada laga jari doono qidmooyin lagu caawinayo dadkaasi

dhammaan ummadda Soomaaliyeed waxa waajib uu ka saaran yahay in ay ku dadaallaan sidii ay u garab istaagi lahaayeen dadka qaxootiga ah ee walaalahooda, waanna midda kaliyah ee muujineysa Soomaalinimada qiimaha ay leedahay.

Did you like this? Share it:

LEAVE A REPLY

Please enter your comment!
Please enter your name here