Hobyo: Kalluumeysato la guddoonsiiyay qalab ay ku shaqeystaan “SAWIRRO”

Wasaaradda Dekaddaha, Kalluumaysiga iyo Kheyraadka Badda Galmudug oo garab ka helaysa Hay’adda FOA ayaa maanta qalab kallumaysi u qeybisay in ka badan 22 ka mid ah kallumaysatada Degmada Hobyo iyo degaannada hoos yimaada, kuwaas oo isugu jiray Rag iyo Haween, si sare loogu qaado wax soo saarka kalluumaysatada degaannada Galmudug iyo ciribtiridda saamaynta ay burcad badeednimadu ku yeelatay Kalluumaysatada degaanka.

Kalluumaysatadaan la qalabeeyey waxaa qeyb ka 10 dhallinyara oo Wasaaradda u soo tababartay habka looga faa’iidaysto khayraadka badda iyo sare u qadista wax soo saarkooda, munaasabadda ayaa waxaa ka soo qeyb galay mas’uuliyiin ka socday Wasaradda iyo maamulka Degmada Hobyo.

Isu duwaha Wasaaradda Dekadda iyo Kalluumaysiga Duraan Cabdi Cali iyo Agaasimaha Wasaaradda Cabdirashiid Maxamed ayaa sheegay in agabkan loogu talagalay sidii loo dhiiri gelin lahaa dhallinyarada Kalluumeysatada ah.

Qaar ka mid ah Kalluumaysatada ka faa’iidaysatay agabkaan ayaa uga mahadceliyay Wasaaradda iyo Hay’adda FOA qalabkan oo ay sheegeen inay baahi weyn u qabeen, isla markaana uu wax wayn ka tari doono howlahooda shaqo.

Guddoomiye ku-xigeenka degmada Hobyo Maxamed Cawaale ayaa sheegay in agabkaan uu ka saacidayo Kalluumaysatada wax soo saarkooda, isla markaana uu shaqo abuur wanaagsan u noqdo dhallinyarada reer Galmudug.

LEAVE A REPLY

Please enter your comment!
Please enter your name here