Hooyo Mataana carruur ah dhashay oo Codsatay in la Caawiyo”SAWIRRO”

Hooyo Aamino Cali Nuur oo ka soo jeeda qoys sabool ah ayaa ku umushay 3 gabdhood oo mataano ah oo bila dhiman ah isbitaalka hooyada iyo dhallaanka ee Xanaano ee magaalada Muqdisho waxey ka soo qaxday degmada Qoryooley ee gobolka Shabeelaha Hoose iyadoo haatan ay si barakac ah ay u degantahay deegaanka carbiska.

Hooyadan ku umushay 3 gabdhood oo mataanaha ah ayaa waxey qoys ahaan ay ka koobanyihiin 12 qoys, waxaana Aabaha qoyskan oo aan haysan shaqo mararka qaar ka xamaashaa shaqooyinka muruq maalka ah taasoo aan dabooli karin noloshooda.

Hooyo Aamino Cali Nuur ayaa tilmaamtay in dhaqaatiirka isbitaalka ay si wanagsan ugu gurmadeen, waxaana ay xustay in uu jiro xanuun gaar ah oo iminka haya, waxayna ka codsatay bulshada Soomaaliyeed inay gurmad u fidiyaan.

Aabo Cali Aadan oo ah aabaha qoyska ayaa ka codsaday dhamaan bulshada Somaaliyeed in ay caawiyaan , maadaama uusan shaqo heynin.

Dr C/raxman Nuux Jaamac oo ka mid ah dhakhaatiirta isbitaalka Xanaano ayaa sheegay in xaalada hooyadu ay haatan wanaagsantahy isagoo sheegay in carruurta aysan ku dhalan bila dhiman, isla markaana ay u baahanyihiin xanaano gaar ah, waxuuna ka codsaday bulshada Soomaaliyeed in ay soo caawiyaan reerkan oo ka soo jeeda qoys sabool ah.

Hooyo Aamino Cali Nuur oo ka mid ah qoysaska danta yar ayaa waxey horay u umushay laba carruur oo mataanno ah.

Hadaba qofkii caawin kara, waxa ay kala xiriiri karaan telefonka ah

0025261-8494229

DSCN8018 vlcsnap-2016-02-24-15h37m41s209 vlcsnap-2016-02-24-15h37m01s77 DSCN8050 DSCN8039 DSCN8029 DSCN8027 DSCN8020

Sawir Qaade:- Muuse Cismaan Abtow

LEAVE A REPLY

Please enter your comment!
Please enter your name here