HORDHAC: Everton Vs Chelsea – Guus Hiddink oo Chelsea ku bad baadin kara FA Cup-ka & Lix Dhacdo oo kulankan ku saabsan-

FA Cup- Wareega 8-aad
Kulanka: Everton Vs Chelsea
Garoonka: Upton Park
Saacada: 8:30 habeenimo ee xiliga geeska Afrika

Kabtan John Terry ayay ubadan tahay inuu kusoo laaban doono shaxda Chelsea kulanka ay sideed dhamaadka FA Cup booqaneyso naadiga Everton kadib markii uu dhaawac muruqa ah la maqnaa lixdii kulan ee ugu danbeysay.

Terry oo Chelsea daqiiqadii 98-aad udhaliyay goolkii bar bardhaca ee kulankii horyaalka labada koox ku dhexmaray Stamford Bridge bishii January – ayaan kooxdiisa uciyaarin tan iyo markii ay 5-1 uga badiyeen Newcastel bartamihii bishii February.

Kooxda Chelsea ayaa rajeyneysa kaliya iney koobkan hanato maadaama ay arbacadii kasoo hareen Champions League halka Horyaalka ay kaalinta 10-aad uga jiraan.

Kooxda 7-da mar koobkan haysata ee Everton ayaa ku kalsoon iney wareega xiga gaari doonto, hase ahaatee labada naadi ayaa taariikh wanaagsan ku leh tartankan, Chelsea ayaana Toffees ku garaacday Fiinaalkii sanadkii 2009.

Yaa ka maqnaan kara labada Koox

Weeraryahanka Everton Kevin Mirallas ayaa kulankan ganaax ku seegi doona kadib markii kaarka gaduudan loo taagay kulankii horyaalka ee Hammers.

Leighton Baines ayaa dhanka kale ay ubadan tahay inuu maqnaan doono halka Oviedo uu haysto fursado uu ku ciyaaro.

Tababare Martinez ayaa dhanka kale rajeynaya inuu dib uhelo Gareth Barry iyo Tom Cleverley kuwaas oo xanuunsanaa.

Weeraryahanka Chelsea Diego Costa ayaa shaki weyn uu kku jiraa in kulankan uu dhaawac uga maqnaan doono, halka kubad sameeyaha Eden Hazard uu isna dhib ka haysto gumarka.

Saxiixii Chelsea ee bishii January Alexandre Pato ayaa la filayaa inuu kulankiisii ugu horeeyay usafto Chelsea, halka defender Kurt Zouma uu wali dhaawac ku maqan yahay.

Xaqiiqooyinka aad uga baahan tahay kulankan.

1- Kooxda Chelsea ayaa koobkan lix mar ka badisay Everton kadib 9 mar oo ay kulmeen, waxaana guulahaas kamid ahaa Fiinaalkii Wembley ee sanadkii 2009-kii markaas oo ay 2-1 ku qaadeen.

2- Everton ayaa dhalisay midn sedex gool labadii kulan ee ugu danbeysay ee ay gurigeeda kula ciyaartay Chelsea, waxaana kamid ahaa guushii 3-1 ahayd ee xilli ciyaareedkan horyaalka ka gaartay.

3- Naadiga The Blues ayaa hormar ka sameysay afartii FA Cup ee wareegiisa sideed dhamaadka, waxaana marka ay usoo baxdo afar dhamaadka ay ku guuleysteen sedex mar oo kala ah (2009, 2010, 2012).

4- Chelsea ayaa shabaqa soo taabatay 7 kamid ah 8-ii kulan ee ugu danbeysay ee koobkan FA Cup-ka waxaana ay dhaliyeen kulamadaas 20 gool.

5- Kooxda macalin Martinez ayaa guul dareystay sedex kamid ah afartii kulan ee ugu danbeysay ee ay garoonkeeda ku ciyaartay dhamaan tartamada, waxaana kamid ahaa kii ay West Ham 3-2 uga badiyeen todobaadkii hore.

6- Wiilasha macalin Guus Hiddink ayaa guuleystay labadii kulan ee ugu danbeysay ee ay banaanka ku ciyaareen labadaas kulan ayayna ku badiyeen min 2-1.

SHARE

Facebook
Twitter