Horjoogayaal muhiim ah oo Alshabaab looga dilay Sh/hoose

Howlgalo ay iskakaashadeen Ciidamada Xoogga dalka iyo Howlgalka Ciidanka Mareekanka ee Afrika ayaa lagu dileen horjoogayaal sare oo ka tirsan kooxda Al-shabaab.

Howlgaladaan oo laba qeybood ahaa kan koowaad waxa shalay oo sabti aheed laga fuliyay deegaanka Cali Barroow waxaana lagu dilay laba horjooge oo ka tirsan kooxda Al-shabaab.

Howlgalka xigay oo ay ciidanku galabta ka fuliyeen deegaanka Kuunya Barroow waxaa lagu dilay Horjooge kale oo wadarta horjoogayaasha kooxda ee la dilay shalay ilaa maanta ka dhigaysa 3 horjooge.

Ma jirin wax qasaara ah oo shacabka ka soo gaaray intii lagu jiray howlagadaasi lagu dilay horjoogayaasha kooxda Alshabaab

Dowladda Federaalka Soomaaliya oo kaashanaysa saaxiibadeeda caalamka waxa ay u taagan tahay difaaca shacabka iyo soo celinta cadaalada halka Alshabaab ay marwalba qorsheeyaan beegsiga dadka rayidka.

Howlgaladaan lagu dilay horjoogayaashani waxa lagu fuliyay qorshe wadajir waxaana  ay sii xoojinayaan dagaalka ka dhanka kooxda Al-shabaab iyo gaarida in Soomaaliya ay hesho nabad waarta

LEAVE A REPLY

Please enter your comment!
Please enter your name here