Horjooge ka tirsana Shabaab oo lagu dilay deegaanka Ceelgaras ee gobolka Galguduud+Dhageyso

0
4531

Horjooge ka tirsan maleeshiyaadka Shabaab ayaa lagu dilay deegaanka Ceelgaras oo ka tirsan gobolka Galgaduud.

Horjoogaha la dilay oo lagu magacaabo Faarax Cali Raage ayaa waxaa dilay rag ka carooday madax furasho uu horjoogahani ka qaatay wiil dhalinyaro ah oo ka tirsan dadka deegaanka kaasoo  in muddo ah uu afduub u heystay.

Sidoo kale horjoogahan la dilay ayaa muddo Afar sano ah maamulayay deegaanka Ceelgaras, isagoo si xun ula dhaqmay dadka deegaanka, islamarkaana u geystay tacaddiyo iyo xad gudubyo ka dhan ah diinta islaamka.

Tacaddiyada uu horjoogahani u geystay dadka deegaanka waxaa ka mid ahaa,dilal fool xun xarig sharcidarro ah,  karbaash, handadaad,  cabsigelin, madaxfurasho uu ka qaatay qaar ka mid ah dadka deegaanka oo uu hore u afduubtay iyo dhac baahsan oo uu u geystay dadka xoola dhaqatada ah.

Dadka ku dhaqan deegaanka Ceelgaras ayaa si weyn uga carooday xad gudubyada uu horjoogahaasi ku hayay afarti sano ee la dhaafay, iyadoo dilka horjoogahani ay muujineyso sida dadka ku nool deegaannada ay weli ku harsanyihiin maleeshiyaadka Shabaab ay qaati uga taaganyihiin awaamiirta faraha badan oo ay ku soo rogeen.

Deegaanka Ceelgaras oo ka tirsan gobolka Galgaduud ayaa 50 kiilomitir dhanka bari uga toosan degmada Dhuusamareeb oo ah xarunta  gobolka Galgaduud.

Halkan hoose ka dhageyso

120209_016

 

Did you like this? Share it:

LEAVE A REPLY

Please enter your comment!
Please enter your name here