Horjooge ka tirsanaa Argagaxisada Al-shabaab oo isku soo dhiibay Ciidamada Xoogga dalka

Ciidamada  xoogga dalka ee ka howlgala gobolka Bakool ayaa Horjooge Sare oo ka tirsanaa maleeshiyada Argagixisada ah ee Al-Shabaab ku soo bandhigay degmada Xudur ee xarunta gobolkaasi.
Horjoogahaan oo lagu magcaabo Colaad Cabdiraxmaan Maxamed Xerow,ayaa Kooxda Nabadiidka ah ee Al-shabaab ka tirsanaa 11-sano.

Guddoomiye ku xigeenka dhanka amniga  magaalada Xudur Ibraahim Isaaq Ibarahim ayaa sheegay in ninkaan uu markii hore xiriir la soo sameeyey ka dibna uu isku soo dhiibay  ciidamada xoogga dalka.

Sidoo kale guddoomiye ku xigeenka ayaa  uga mahadceliyay ciidamada xoogga dalka dadaalada ay ugu jiraan sidii ay gacanta ugu soo dhigi lahayeen haraadiga kooxda Al shabab ee dhumaaleysiga ku jira.

Colaad Cabdiraxmaan Maxamed xerow ayaa tilmaamay inuu kooxda arxanka daran ee Al-Shabaab ugu  shaqeyn jiray darawalnimo, islamarkaana uu isaga soo baxay fikirkooda kadib markii uu u adkeysan waayay waxyaabaha ay sameynayaan oo aan raadka ku laheen shareecada Islaamka.

Howlgalada iyo Wacyigelinta ay Ciidamada Xoogga Dalka ka sameeyeen gobalada dalka ayaa waxaa ay keentay in ay isi soo dhiibaan maleeshiyaadka horay uga tirsanaa Al-shabaab gaar ahaan Horjoogayaasha kuwaasi oo kasoo laabanaya Fikirka Xagjirka ah ee kooxda ku dhibaateyso shacabka.
Ciidamada Xoogga Dalka ayaa howlagaladii ugu dambeeyay ee ay ka sameeyeen gobalada Bay iyo Bakool waxaa ay kula wareegeen deegaano dhowr ah oo maleeshiyad ku sugnayd.

LEAVE A REPLY

Please enter your comment!
Please enter your name here