Horjooge ka tirsanaa Maleeshiyada Al-Shabaab oo lagu dilay Gobolka Hiiraan.

Wararka naga soo gaarayo Gobolka Hiiraan ayaa sheegaya in Ciidamada Xoogga dalka howlgal ay ka sameeyeen gobolkaas ay ku dileen horgjooge sare oo ka tirsanaa argagaxisada Al-shabaab, kaas oo dhibaato xoogan ku haayay shacabka ku nool degmooyinka Gobolkaas.

Guddoomiyaha degmada Jalalaqsi Maxamed Nuur Cagajoof oo la hadlay Radio Muqdisho ayaa sheegay in horjoogahaan oo magaciisa lagu soo koobay Maxamed Hiiraan uu argagaxisada u qaabilsanaa baada ay ka qaadaan shacabka ku nool gobolka Hiiraan iyo dhibaateynta Ummadda Soomaaliyeed.

Maalmihii ugu dambeeyay Ciidamada Xoogga dalka ayaa dardar gelinayay howlgallo argagaxisada looga xureynayo deegaannada ay kaga suganyihiin Gobolka Hiiraan, iyadoo lagu laayay Horjoogeyaal iyo maleeshiyaad badan.

 

 

LEAVE A REPLY

Please enter your comment!
Please enter your name here