Horjooge ka tirsanaa Shabaab oo lagu dilay howlgal ay ciidamada XDS ka sameeyeen Galgaduud

Horjooge ka tirsanaa kooxda Shabaab oo dhibaatoyin farabadan u geysan jiray bulshada ayaa lagu dilay deegaanka Ceel-qooxle ee gobolka Galgaduud.

Col. Cabdi Xasan Maxamed oo ka mid ah saraakiisha ciidanka XDS ee ka howlgala Galgaduud ayaa sheegay in horjoogaha la dilay uu Shabaab u qaabilsanaa ururinta waxa ay ku sheegaan Sakada.

Sarkaalka ayaa sheegay in horjoogahan  iyo nin kale oo ka tirsana Shabaab lagu dilay howlgallo ay ciidamada XDS ka sameeyeen deegaanka Ceel Qooxle ee degmada Ceelbuur.

Sarkaalka ayaa xusay iney sii wadayaan howlagalada ay ku ugaarsanayaan haraadiga maleeshiyaadka Al-Shabaab ee ku weli ku dhuumaaleysanaya deegaano ka tirsan gobolka Galgaduud.

 

LEAVE A REPLY

Please enter your comment!
Please enter your name here