Horjooge ka tirsanaa Xisbullaah oo lagu dilay dalka Suuriya

0
1420

Horjooge sare oo ka tirsanaa kooxda  mintidiinta ah ee Xisbullah oo magaciisa lagu sheegay Mustafa Badreddine. ayaa lagu dilay duqeyn dhanka cirka ah oo ay israa’iil ka geysatay gudaha Suuriya.

Mustafa Badreddine ayaa ahaa ninka labaad ee ugu sarreeya hoggaanka Xisbullah, waxa uuna hadda hoggaaminayay mitidiin ka tirsan kooxdani oo taageeraysay ciidamada dowladda Suuriya.

Xisbullah ayaa warbixin qoraal ah oo ay soo saartay ku sheegtay in Badreddine uu tan iyo sanadkii 1982 uu ka qayb qaadanayay hawlgallada kooxdaasi.

Horjoogahan la dilay ayaa hore loo saaray xannibaad caalami ah kaddib markii Qaramada Midoobey ay ku eedeysay in uu ka dambeeyay dilka ra’iisalwasaarahii hore ee Lubnaan Rafiq Xariiri.

Maxkamad ku taala dalka Kuwait ayaa horey dil ugu xukuntay Badreddine oo ku eedeysnaa qarax dalkaasi ka dhacay waxaase uu xabsiga ka baxsaday xilligii weerarkii Ciraaq ee sanadkii 1990-kii.

Did you like this? Share it:

LEAVE A REPLY

Please enter your comment!
Please enter your name here