Horjoogeyaal ka tirsan Al-Shabaab oo lagu dilay duqeyn ka dhacday Saakow

606

In ka badan 12 ka mid ah maleeshiyaadka Al-Shabaab ayaa lagu dilay duqeyn ka dhacaday Degmada Saakow ee Gobolka Jubbada Dhexe, halkaas oo ay gacanta ku hayso kooxda argagixisada ah ee Al-Shabaab.

 

Duqeynta dhinaca cirka ah waxaa lala beegsaday goob ay ku shirsanaayeen horjoogeyaal ka tirsan maleeshiyada Al-Shabaab oo gaarayay 37, iyadoo la xaqiijiyay in tiro ka badan 12 lagu dilay goobta.

Wasiir ku-xigeenka Wasaaradda Warfaafinta,Dhaqanka iyo Dalxiiska ee Xukuumadda Aadan Isaaq Cali ayaa xaqiijiyay in duqeyntan ay ku dhinteen 12 ka mid ah saraakiishii Al-Shabaab ee ku shirsanaa goobta bartilmaameedku ahaa.

Mudane Aadan wuxuu intaas ku daray in dadka duqeynta lagu dilay ay ku jiraan 2 ka tirsan horjoogeyaasha sar sare ee Al-Shabaab, halka kuwa dhaawacmayna uu ka mid yahay  Xasan Yacquub oo ka mid ah horjoogeyaasha kooxda.

Xasan Yacquub waxaa soo gaaray dhaawac halis ah, waxa uuna u dhexeeyaa nolol iyo geeri.

Dowladda Soomaaliya oo garab ka heleysa saaxiibbadeeda caalamka ayaa dar dar geliyay duqeymaha iyo weerarrada lagula beegsanayo argagixisada Al-Shabaab goobaha ay ku dhuumaaleysanayaan.

Did you like this? Share it:

LEAVE A REPLY

Please enter your comment!
Please enter your name here