Horjoogihii jabhadaha Al-shabaab ee Jubbada hoose oo la khaarijiyay

Howlgal qorsheysan oo ay ciidanka xoogga dalka gaar ahaan guutad 11aad qeybta 43aad ay ka sameeyen aagga deegaanka Baar-sanguuni ee gobolka Jubbada hoose ayaa lagu dilay horjoogayaal iyo maleeshiyaad Al-shabaab ah.

Howgalkan ayaa yimid kadib markii ciidanku ay ka war heleen xog sheegeysa in nabad diidka Alshaabab ay maleegayeen dhagar ay ku dhibaateynayaan dadka ku dhaqan degaano ku dhow deegaanka Baar-sanguuni.

Taliyaha guutada 11aad qeybta 43 ciidanka xooga dalka G/sare Caddoow Maxamed Sahal ayaa idaacadda ciidamada Qalabka sida u sheegay in howgalka lagu khaarijiyay horjooge Cabdi Ibrahim Saleebaan iyo ku xigankiisa, kuwaasi oo ahaa madaxdii  jabhada Alshabaab ee gobolka Jubbada hoose, waxaana sido kale howgalka  lagu dhawacay saddax maleeshiyo.

G/sare Caddoow Maxamed Sahal ayaa intaasi raaciyay in lagu daba jiro firxadka maleeshiyada nabad diidka ee isaga cararay aagga uu howgalku ka dhacay  dibna uu ka bixin doono faah faahfaahinta buuxda ee howgalka.

LEAVE A REPLY

Please enter your comment!
Please enter your name here