Horumarinta xuquuqda haweenka oo Garoowe looga shiray

0
725

Kulan looga hadlayay hormarinta xaquuqda haweenka ayna soo qaban qaabisay Wasaaradda Dastuurka iyo arrimaha Federaalka ee Puntland, kaasi oo lagu qabtay magaalada Garoowe ee xarunta Gobolka Nugaal.

Kulanka waxaa kaloo ka qeyb galay qeybaha bulshada ee ku nool magaalada Garoowe, waxaana diiradda lagu saaray sidii aqoonta dumarka kor loogu qaadi lahaa oo ay u ogaan lahaayeen xuquuqda ay ku leeyihiin diinta iyo dastuurka.

Mas’uul u hadlay Wasaaradda Dastuurka iyo Federaalka Puntland ayaa tilmaamay aqoon isweydaarsigan uu yahay mid haweenka lagu barayo xaquuqda ay ku leeyihiin diinta iyo tan dastuurka, madaama ay bulshada 50% ay ka yihiin, isagoo intaa ku daray in ay joogteen doonaan kulamada nuucaani oo kale ah.

Cabdicasiis Xaaji Abshir oo ku hadlayay magaca hay’ad maxali ah oo Wasaaradda Dastuurka Puntland gacan ku siisay qabashada kulanka ayaa xusay in hay’addu xooga saartay horumarinta dadka nugul ee bulshada, sida haweenka, agoonta iyo gabdhaha yar yar oo ay ku jiraan 1,250 gabdhood oo ay ka bixiyaan lacagta dugsiyada Hoose iyo dhexe.

Did you like this? Share it:

LEAVE A REPLY

Please enter your comment!
Please enter your name here