Howlgal lagu burburiyay xarun ay argagixisada Al-Shabaab ku lahayd Jubbada Dhexe

Dowladda Federaalka Soomaaliya oo kaashaneysa saaxiibada caalamiga ah gaar ahaan Taliska ciidamada Mareykanka ee AFRICOM ayaa duqeyn ka fuliyay meel u dhaw Dujuuma ee Gobolka Jubbada Dhexe, halkaasi oo lagu dhaawacay saddex ka tirsan argagixisada Al-Shabaab, isla markaana lagu bur buriyay xarun ay meeshiyada Al-Shabaab ku lahaayeen deegaankaas.

Howlgalka wada jirka ah oo lagu bartilmaameedsanayay maleeshiyaadka Al-Shabaab ayaa lala eegtay bartilmaameedkii loo baahnaa, mana jirto cid rayid ah oo waxyeelo ka soo gaartay howlgalka duqeynta ah ee lala beegsaday argagixisada Al-Shabaab.

Ciidanka kumaandooska ee Danab oo taageero ka helaya ciidanka Mareykanka ee AFRICOM ayaa howlgallo dhawaan ay sameeyeen ku dilay  horjoogayaal ka tirsan argagixisada Al-Shabaab, taasi oo keentay inay hoos u dhacdo qorshayaasha ay maleegi jireen ee ah qaraxyada iyo dhibaateynta shacabka.

War-saxaafadeedka oo ka soo baxay Wasaaradda Warfaafinta ayaa looga hadlay doorka haweenka Soomaaliyeed ay ka qaataan la shaqeynta ciidanka xoogga, dib u dhiska dalka iyo dagaalka ka dhanka ah argagixisada Al-Shabaab, ayna jiraan rag iyo dumar ay maleeshiyaadka si qasab ah ku askareeyaan, kuwaasi oo haatan isaga soo cararaya maleeshiyaadka Al-Shabaab.

Ciidamada XDS oo gacan ka helaya kuwa Mareykanka ayaa howlgallo ka dhan ah argagixisada ka geysta deegaannada ay haraadiga ku tahay kooxda, kuwaasoo lagu qaarijiyay horjoogayaal ku caanbaxay dhibaateynta dadka Soomaaliyeed ee abriyada ah.

Dowladda Federaalka Soomaaliya iyo saaxiibadeeda caalamiga ah ayaa ka go’an sidii loo xoojin lahaa la dagaallanka argagixisada Al-Shabaab, si guud ahaan dalka looga ciribtiro.

 

 

LEAVE A REPLY

Please enter your comment!
Please enter your name here