Howlgal lagu laayay maleeshiyaadka argagaxisada oo saaka ka dhacay gobolka Hiiraan

Janaraal Saalax Yacquub, oo ah abaanduulaha qeybta 27 aad ee ciidanka xoogga dalka ayaa sheegay in ciidanku dileen 8 kamid ah maleeshiyaadka Alshabaab oo uu kamid yahay horjooge sare isla markaana laga furtay hubkii ay wateen, ka dib howlgal saaka laga fuliyay gobolka Hiiraan.

Deegaanka howlgalka laga fuliyay ayaa magaalada Beledweyne, u jira 27km, waxayna saraakiisha ciidanka xoogga dalka sheegeen in howlgalka saaka uu ahaa mid qorsheysan isla markaana laga gaaray u jeedkii laga lahaa.

Abaanduulaha oo la hadlay Idaacadda ciidamada qalabka sida ee Radio Muqdisho ayaa sheegay in guutada 5 aad ciidanka xoogga dalka fulisay howlgalkii saaka.

 

LEAVE A REPLY

Please enter your comment!
Please enter your name here