Howlgallo amni xaqiijin ah oo laga fuliyay caasimadda Galmudug “SAWIRRO”

Howlgalkan oo socday asbuucyadii la soo dhaafay ayna si wada jira u iclaamiyeen Wasiirka Amniga Gudaha Galmudug Axmed Macalim Fiqi iyo Saraakiisha qeybaha kala duwan ee ciidamada ayaa laga sameeyay gudaha iyo duleedka Caasimadda Galmudug ee Samareeb.

Intii uu socday howlgalka ay hogaaminayeen Taliyaha Saldhigga Booliiska Samareeb Gaashaanle Maxamed Mrire Maxamuud iyo Taliyaha Cusub ee dhawaan loo soo magacaabay Ciidanka Nabad sugidda magaladda  Samareeb Gaashaanlle Cabdishakuur Daahir Ducaalle (Golongolo) ayaa lagu baarayey gaadiidka kala duwan ee isticmaala wadooyinka xaafadaha iyo bartamaha laamiga ee Caasimadda.

Taliyaha Saldhigga Booliiska ee Samareeb Gaashaanle Maxamed Mire Maxamuud oo howlgalka kadib Warbaahinta kula hadlay gudaha Saldhigga ayaa ka warbixiyay shaqada amaan xaqiijinta aheyd oo uu sheegay in ay socotay maalmihii lasoo dhaafay, ayna sii wadi doonaan howlgalka iyaga oo la kaashanaya Hay’adda Nabadsugida iyo sirdoonka Qaranka.

Qorshahaan Ammi xaqiijinta ah ayaa ku soo beegmaya xilli Wasiirka Amniga Galmudug uu amray saraakiisha qeybaheeda  kala duwan in laqaado talaabo iyo Howlgallo nabadgelyada lagu xaqiijinayo, kuwaasi oo laga sameynayo guud ahaan deegaannada Galmudug.