Howlgallo amniga lagu xoojinayo oo laga sameeyay Cadaado

0
1332

Hawlgalkan oo lagula dagaalamayo hubka sharci darada ah, amnigana lagu xoojinayo ayaa ciidamada Boliiska iyo nabadsugidda Dowlad Goboleedka Galmudug waxa ay maanta ka sameeyeen magaalada Cadaado, iyagoo gawaarida iyo dadwaynahaba baarayay.

Ciidamada ammaanka ayaa la arkayay iyaga oo gaafwareegaya fiyaalaha laamiga iyo xaafadaha magaalada qaarkood si hubka sharci farada ah u aruuriyaan.

Gudoomiyaha degmada Cadaado Cadbullaahi Cabdiraxmaan Tootoole ayaa dadwaynaha ugu baaqay inay la shaqeeyaan ciidamada amniga.

“Gudiga amniga Galmudug ayaa shalay gaaray go’aano amniga quseeya, deegaanada Galmudug qaas ahaan magaalada Cadaado, sida aad maanta u jeedaana waxaa bilowday hawlgalkii sifaynta qoryaha sharci darada ah, kuwaas oo shalay aan awaamiir ka bixinay, dadwaynaha waxaan ka codsanaynaa in awaamiirtaas loo dhaga nuglaado, oo qof shacab ah uusan magaalada qori la soo galin, ciidamada Galmudug dhamaantood waan u mahadcelinayaa, hawlgalkiina waa socdaa”

Magaalada Cadaado oo hadda xarun KMG ah u ah dawlad goboleedka Galmudug ayaa ka mid ah meelaha Soomaaliya ugu amniga wanaagsan,  waxaana hawlgalkan uu ka mid yahay dadaalada amniga lagu sii xoojinayo.

 

Did you like this? Share it:

LEAVE A REPLY

Please enter your comment!
Please enter your name here