Howlgallo amniga lagu sugayo oo ka billaawday gobolka Bari

Howlgalkan oo uu hoggaaminaayey Taliyaha Qeybta Boliiska gobalka Bari Gaashaanle Sare Xuseen Cali Maxamuud ayaa Ciidamada Boliiska ee gobalka Bari waxaa ay ka Sameyeen Buuraha u dhexeeya magaalada Bosaaso illaa dagmada Carmo ee gobalka Bari.

Howlgalkan oo ahaa mid qorshaysan ayaa ciidamada boliiska waxaa ay baaritaanno ku sameeyeen gadiidka soo gala magaalada Bosaaso iyo kuwa ka baxaya.

Howl-galkaan oo ay sameeyeen ciidamada Booliska gobolka Bari ayaa ujeedkiisu waxaa uu ahaa sugida iyo xoojinta amniga guud gobolka xilli dhawaan magaalada Bosaaso lagu qabanaayo doorashada Xildhibaannadda cusub ee dowladda dhaxe ee Soomaaliya.

Taliyaha qeybta Boliiska gobalka Bari Gaashaanle Sare Xuseen Cali Maxamuud ayaa Shacabka ka codsaday Inay doorkooda ka qataan xaqiijinta amaanka isagoona u mahadceliyey sido kale shacabka gobolka Bari waxaana uu howlgalkaan ku tilmamaay mid guul ah oo ay uga mahadcelinayaan ciidamada Boliiska.

LEAVE A REPLY

Please enter your comment!
Please enter your name here