Howlgalo Ciidanka ay ka sameeyeen deegaanka Muqa-Kori

0
1229

Howlgaladan oo ay sameeyeen ciidanka dowladda Soomaaliya oo ku sugan degmada Maxaas ee gobolka Hiiraan ayaa u jeedadu aheyd sida ay saraakiisha sheegeen xaqiijinta amniga deegaanadaasi isla markaana looga hortagayay falalka amni daro ah oo ay geysan karaan kooxaha nabad diidka ah ee  Al-shabaab.

Goobaha howlagalada maanta ay ciidamadu ka sameeyeen ayaa waxaa kamid ah deegaanka Muqa-Kori,ee gobolka Hiiraan waxaana qaar kamid ah dadka deegaanka oo la hadlay Radio Muqdisho ayaa sheegay in ay arkayeen ciidamada oo si feejigan u sameynaya howlgalada.

Deegaanka Muqa-Kori ayaa waxaa ku sugnaa maleeshiyaad ka tirsan kooxda nabad iyo nolal diidka ah ee Al-shabaab, iyadoo howlgaladan ay sameynayaan ciidanka dowladda Soomaaliya ay si diiran u soo dhaweeyeen dadka ku dhaqan deegaanka Muqa-Kori iyo deegaanada kale ee ku heeran.

Wariye Ibraahim Maxamed Geedi oo ka tirsan warbaahinta qaranka oo ku sugan gobolka Hiiraan ayaa soo sheegaya in howlgalkan uu imaanaya iyadoo mudooyinkii dambe ay dad si iskood ah isu abaabuley ay bilaabeen in ay la dagaalamaan maleeshiyaadka Al-shabaab oo dadka ku dhibaateynaya goobahaasi.

Did you like this? Share it:

LEAVE A REPLY

Please enter your comment!
Please enter your name here