Howlgalo ka dhan ah Alshabaab oo ciidanka xoogga dalka ka fuliyeen Hirshabeele +Sawirro

Shan qof oo lagu tuhunsan yahay in ay ka tirsan yihiin ayay ciidanka xoogga dalka qabteen, ka dib markii howlgal ka sameeyeen degaano dhanka bari kaga beegan degmada Jowhar ee caasimadda Hirshabeele, sida ay sheegeen saraakiisha ciidanka.

Ciidanka howlgalka sameeyay ayaa ka soo roqaansaday fadhiisamo dhowr ah oo ay kamid yihiin, Jowhar, Ceel-Baraf, Xawaadley iyo goobo kale.

Argagaxisada Alshabaab ayaa laga saaray degaano dhowr ah, oo ay kamid yihiin; Baloog, Shamiito, Jiliyaale, Buulo-dheer, Qajafeey, War-ciise iyo kuwo kale, saraakiisha ayaa sidoo kale sheegay in ay hub ka furteen maleeshiyaadka Alshabaab.

Ciidamada ayaa sidoo kale, waxaa ay fashiliyeen qaraxyo maleeshiyaadka argagaxisada ku aaseen waddooyinka isku xira degaanada howlgalada laga fuliyay. Waxaa howlgalka si wadajir ah u fuliyay ciidanka xoogga dalka qeybta 27 aad, kumandooska DANAB, Harmacad iyo kuwa Hirshabeele.

Degaanada howlgalada laga sameeyay ayaa dhammaan waxaa ay hoos tagaan degmada Jowhar, qiyaastii 30km ayay u jiraan, waana degaano ahmiyad balaaran leh oo maleeshiyaadka Alshabaab in muddo ah dadka ku duleysanayeen.

LEAVE A REPLY

Please enter your comment!
Please enter your name here