Ilhaan Cumar oo kamid noqotay Aqalka hoose ee Congresska Mareykanka

315
Ololihii loogu jiray in Ilhan Cumar,mar un ay kamid noqoto golaha aqalka hoose ee Congresma Mareykanka ayaa soo afjarmay,waxaan guul taariikhi ah laga gaaray in Ilhaan ay hesho xubin-nimada congresska Mareykanka kadib doorashadii ka dhacay Gobolka Minnesota ee dalka Mareykanka.

Doorashada ayaa sidoo kale waxaa kamid ahaa Maxamuud Nuur iyo Hodan Xasan oo iyagana ku guuleystay in ay kamid noqdaan Aqalka hoose ee baarlamanaka gobolka Minnesota.

Dhinaca kale, Keith Ellison oo horay u ahaa xubin ka tirsan Aqalka Hoose ee Congress-ka Maraykanka ayaa u dhow inuu ku guuleysto xilka Xeer Ilaaliyaha Guud ee gobolka Minnesota oo uu u tartamayey.

Waxaa loolan adag uu ka dhexeeya labada xisbig ee Mareykanka,waxaana Guud ahaan doorashada ay u muuqataa mid ay ku kala qeybsadeen ololaha,Xisbiga Dimoqraadigu wuxuu qaatay Aqalka Hoose, halka xisbiga kale ee Jamhuuriguna uu adkeystay Aqalka Senate-ka ee Dalkaasi Mareykanka.

Bulshooyinka muslimiinta iyo guud ahaan Soomaalida kunool dalka Mareykanka gaar ahaan gobolka Minnesota ayaa siweyn u soo dhaweeyay talaabada lagu doortay Ilhaan Cumar,iyadoo la hadal hayo in ay ka dhigantahay mid wax badan ka bedeli karta siyaasadda Madaxweyne Trump eek u wajahan dadka soo galootiga

Did you like this? Share it:

LEAVE A REPLY

Please enter your comment!
Please enter your name here