Ku dhawaad Todobo kun Arday oo u fadhiisatay Imtixaanka Shahaadiga “SAWIRRO”

8019

Ku dhawaad Todobo kun oo arday Soomaaliyeed ayaa maanta u fadhiisatay Imtixaanka Shahaadiga ee ay Wasaaradda Waxbarashada Waxbarashada ka qaadeyso ardayda dhigata Dugsiyada sare ee bartamaha iyo Koonfurta Soomaaliya.

Ku-simaha Ra’iisul wasaaraha xukuumadda Federalka ah ee Soomaaliya ahna Wasiirka Cadaaladda Cabdullahi Axmed Jaamac (Ilka-jiir) oo ay wehliyaan Wasiirada Waxbarashada Khadra Bashiir Cali, Warfaafinta iyo dhaqanka Mudane Maxamed Cabdi Xayir “Maareeye” Aminga gudaha Cabdirisaaq Cumar Maxamed ayaa si rasmi ah u furay qaadista Imtixaanka shahaadiga dugsiyada sare ee ku yaala Bartamaha iyo Koonfurta Soomaaliya, si ardayda ay u helaan shahaadooyin mid ah oo Wasaaraddu aqoonsatahay.

Sidoo kale Mnaasabadda waxaa ka qeyb galay Taliyeyaasha Booliska iyo Nabad sugidda iyo Madaxsare oo ka tirsan dowladda, iyadoo ardayda ay imtixaanku ku galayeen dugsiga 15 May, waxaana ardayda u rajeeyeen in Imtixaanka uu Alle ku guuleeyo.

Sidoo kale Ku-simaha Ra’iisul wasaaraha oo ay wehliyaan Wasiirka Amniga gudaha iyo Wasiiru-dowlaha Waxbarashada Mudane Cabdullaahi Bile Nuur ayaa imtixaanka ka furay Iskuulkii hore ee farsamada ee Buulo-Tikniko, halkaasi oo ay ku sugnaayeen ardayda aad u fara badan oo imtixaanka ka qeyb galaysay.

Sidoo kale Ku-simaha Ra’iisul wasaaraha ayaa waxa uu maanta Imtixaanka ka furay Jaamacadda Ummadda, halkaasi oo ay joogeen arday aad u fara badan, iyadoo ay jiraan Iskuullo kale oo uu kormeer ku sameeyay Wasiirka Cadaaladda, waxaana uu xusay inay tahay tallaabo lagu farxo.

Ku dhawaad 200 oo arday oo wax ka dhigta iskuulada magaalada Gaalkacyo ayaa iyana saaka u fadhiisantay Imtixaanka mideysan oo ay soo diyaarisay Wasaaradda Waxbrashada, waxaana tani ay noqoneysaa mudd 24 sano kaddib in arday Soomaaliyeed ay u fadhiistaan Imtixaanka Shahaadiga ah ee dugsiyada sare, iyadoo ay sidoo kale jiraan arday imtixaanka ku galeysay xarunta Jaamacadda Ummadda Soomaaliyeed.

Magaalooyinka Cadaado, Beladweyne, iyo qaar kale ku yaalla bartamaha iyo koofurta dalka ayuu saaka si rasmi ah uga bilowday Imtixaanka.

Sidoo kale magaalada Baydhabo ee xarunta Gobolka Baay ayaa iyana waxaa ka bilaabatay Imtixaanka shahaadiga ee ay qaadayso Wasaaradda Waxbarashada iyo tacliinta sare ee dowladda Soomaaliya.

1 2  4 6 7  IMG_0784 IMG_0785    IMG_0802  IMG_0818     IMG_0825    

IMG_0840   

Sawir Qaade:- Qadar Cali Nuur

 

Did you like this? Share it:

1 COMMENT

  1. maanta waa maalin taariikhi ah oo farxad u leh qofkastoo soomaali wadani ah waa maalin ay dib u jaleeci doonaan jiilkii berisamaadkii oo ayna indhaha ku kala furi doonaan jiilka aan ayagu arag cisadii iyo karaamadii wadankeenu lahaa waagaan nabada aheen ee wadankeenu ka mid ahaa wadamada xagga tacliinta ugu horeeyo.
    waxaa la yiraahdaa nin walbaaba waxoow gurtaa waxoow beerto marka waxaan marqaati ka nahay in wasaarada waxbarashadu ay dadaal dheeraad ah ku bixisay si ay horumarkaan u gaarto.
    guul ayaan leenahay dowlada qaasatan bahda wasaarada waxbarashada oo ay hormuud u tahay wasiirada waxbarashada .

    waxaan illaaheey ka baryeynaa in wadankeena ka geskagees ow noqdo meel ka caagan colaad iyo ummad mideeysan oo fahansan in midnimadu tahay cisada iyo xoogga ow wadanleeyahay.

LEAVE A REPLY

Please enter your comment!
Please enter your name here