In ka badan 100 tahriibayaal ah oo laga soo badbaadiyay xeebaha dalka Tuniisiya.

Dooman kalluumeysi oo laga leeyahay dalka Tuniisiya ayaa soo badbaadiyay 103 tahriibiyaal ah kuwaas oo ka yimid xeebaha Liibiya kuna sii jeeday jasiiradda Talyaaniga ee Lampedusa.

Doontii ay wateen tahriibayaasha ayaa ku ciladowday meel u jirta 110 km dekadda Alshaaba ee Tuniisiya.

Afhayeen u hadlay ciidmada ilaalada Badda ee dalka Tuunis ayaa sheegay in dadkaan lasoo badbaadiyay ay caafimaad qabaan loona wareejiyay goob loogu tala galay tahriibayaasha, Afhayeenka ayaa intaas ku daray in tahriibayaashu kasoo kala jedaan dalalka Suuriya, Masar, Soomaaliya, Suudaan iyo Bangladesh, waxaana ku jira 6 dumar ah iyo 5 caruur ah.

LEAVE A REPLY

Please enter your comment!
Please enter your name here