In ka badan boqol arday oo ka qalin jebisay iskuul ku yaala Gaalkacyo

120 arday ayaa ka qalinjabisay fasalka afaraad ee iskuulka Cabdirashiid Cali Sharma’arke ee magalaada Gaalkayo.

 

Munaasabada qalinjabinta fasalka afaraad ee ardayda iskuulka Cabdirishiid Cali Sharma’arke 2018 2019 ayaa maanta ka dhacday magalada Galkacyo ee xarunta Gobolka Mudug, waxaana ka soo qaybgalay Guddoonka waxbarashada Gobolka, Xildhibaanno ka tirsan Golaha deegaanka, Aqoonyahanno, Waaldiin iyo maamulayasha qaar ka mid ah Jaamacadaha ku yaala magaalada Gaalkacyo.

Ardaydan oo ahayd 120 ahna dufcadii labaad ee ka qalinjabisa Iskuulka Cabdrishiid Cali Sharma’arke ayaa gudoonsiinta shahaadoonka kadib lagula dardaarmay inay ku dadaalaan kobcinta waxbarashada ilaa heerka ugu dambeeya.

Ugu dambayn Maamulaha Iskuulka Cabdirashiid Cali Sharma’arke Cabdiraxmaan Abshir Cabdulle ayaa sheegay in iskuulka uu sii laba jibaari doono tayaynta waxbarashada Gobolka, waalidiintuna ay markasta carruurtooda ku koontaroolaan waxbarashadooda.