Inta badan deegaanada gobolka Mudug oo xalay uu ka da’ay roob xoogan.

Inta badan gobolka Mudug xalay waxaa ka hooray roobkii Guga kasoo ay ku diirsadeen dadka iyo duunyada Gobolka mudug ku nool.

Roobka ayaa bilowday xili dhexe xalay waxaana dadka ku nool deegaanada Miyigaa soo sheegayaan inuu ahaa mid xooggan oo biyo dhigay meelaha uu qabtay.

Roobka Guga ayaa kusoo aadaya xili bulshada gobolka Mudug ay wajahayeen xaalad adag oo saamayn ku yeelatay ay jirtay taasoo sababi kartay dhimasho.

Qaar ka tirsan bulshada deegaanada bariga iyo koonfurta gobolka Mudug ayaa saaka ii sheegay inay kusoo tooseen xalay Roobka oo miray deegaanadaas waxaa sidoo kale ay sheegeen in xiligaan cirku qurxoon yahay taasoo farxad galinaysa dadka xoolo dhaqatada ah iyo beeraleydaba.

LEAVE A REPLY

Please enter your comment!
Please enter your name here