IOM oo sheegtay in 74 muhaajiriin ah ay ku dhinteen badda Libya

Hay’adda socdaalka Qaramada Midoobay ee IOM ayaa sheegtay 74 muhaajiriin ah ay ku dhinteen kadib markii doon siday ay ku burburtay xeebaha magaalada Khums ee dalka Libya .

Doonta ayaa la sheegay in ay saarnaayeen 120 qof oo ay ku jiraan caruur yar yar iyo dumar .

Ilaalada xeebaha iyo kaluumeysato ayaa soo badbaadiyay 47 qof waxaana la helay meydadka 31 qof oo kale .

Waxaa soconaya gurmad iyo baaritaan si loo helo dadka la waayay nolol geeri sida ay sheegeen shaqaalaha Qaramada Midoobey .

19 qof oo carruur ay ku jiraan ayaa ku dhimatay labadii cisho ee ugu danbeysay doonyo ku dagay badda Mediterranean waxaana la soo badbaadiyay 200.

LEAVE A REPLY

Please enter your comment!
Please enter your name here