Isbahaysiga Yaman oo burburiyay  Gantaallo iyo  Diyaaradaha aan duuliyaha laheen oo ay lahayeen Xuutiyiinta

Isbaheysiga Taageera Dawladda Yaman ayaa shaaciyay in ay qabteen  oo ay burburiyeen diyaarad Drone ah oo ay maleeshiyada Xuutiyiinta lahayeen.

Jimcihii shalay  Ciidamada  isbahaysiga ayaa sheegay in ay  burburiyeen gantaallo ballistic ah oo maleeshiyada Xuutiyiinta ay  damacsanayeen in ay ku weeraraan Sacuudiga.

Sidokale Isbahaysiga  ayaa sheegay in ay qabteen oo ay burburiyeen  mid kamid ah  diyaarad aan duuliye lahayn oo ay maleeshiyada Xuutiyiinta la damacsanayeen in ay ku weeraraan  Sucuudiga.

Afhayeenka ciidamada isbahaysiga, Sarreeye Guuto Turki Al Maaliki, ayaa caddeeyay in xoogagga isbahaysiga ay ku guuleysteen subaxnimadii Jimcaha in ay ka hortagaan oo ay burburiyaan walxaha Qarxa (UAV) oo ay lahayeen maleeshiyada argagixisada Xuutiyiinta.

Maleeshiyaadkaa Xuutiyiinta ayaa dhawaanahan xoojiyay adeegsiga diyaaradaha aan duuliyaha lahayn oo isugu jira  kuwa qarxa iyo kuwa wax basaaso, taas oo ay horay u sheegeen guddi khubara ah oo ay u xil saartay Qaramada Midoobay in ay soo aruuriyaan waxyeelada qaraxyada Xuutiyiinta ee ay u adeegsadaan gantaalada iyo Diyaaradaha aan duuliyaha laheen.

Warbixin ay daabacday majaladda Newsweek, ayaa si cad u muujisa in Dawladda  Iiraan ay u dirtay  Xuutiyiinta, diyaaradaha aan duuliyaha lahayn ee loo yaqaano  Drone-ka.

LEAVE A REPLY

Please enter your comment!
Please enter your name here