Isbaheysiga uu hoggaamiyo Sacuudiga oo burburiyay 2-diyaaradood oo kuwa Droniska ah

Ciidamada Isbaheysiga ee uu hogaamiyo Sacuudiga ayaa Jimcihii sheegay inay burburiyeen labo diyaaradood oo nuuca Darooniska ah ,isla markaana ay soo direen falaagada Xuutiyiinta ee dalka Yemen .

iidamada isbaheysiga ayaa war ay soo saareen ku sheegay in labadaasi diyaaradood oo ahaa kuwa aan duuliyaha wadin lagu burburiyay hawada dhulka Sacuudiga.

Xuutiyiinta ayaan illaa hadda ka hadlin dhacdadaasi,hasa yeeshee,kooxdaan ayaa caadeystay in si joogto ah gantaalada ballistigga ah  iyo diyaaradaha aan duuliyaha laheyn ay ugu garaacaan aagaga Sacuudiga,iyagoo ka jawaabaya duqeymaha cirka ee xulufada ay ku garaacaan goobaha ay heystaan falaagada.

Laga soo bilaabo sanadkii 2014-kii Yemen waxaa hareeyay rabshado iyo fowdo,ka dib  markii fallaagada Xuutiyiinta ay qabsadeen inta badan dalka, oo ay ku jirto caasimada, Sanca.

Tobannaan kun oo Yemeniyiin ah, ayaa la rumeysan yahay inay ku dhinteen colaadda, taasoo horseeday dhibaatada bani’aadanimo,iyadoo weli ay jiraan  malaayiin qof oo la ildaran macluul.

LEAVE A REPLY

Please enter your comment!
Please enter your name here