Isbedel dhanka nolosha ah oo laga dareemayo dhalinyaradii dhawaan laga soo celiyay Liibiya

0
1334

Qaar ka mid ah dhalinyaradii dhawaan Dowladda Soomaaliya ay ka soo celisay dalka Liibiya ayaa ka warbixiyay dhibaatadii ay ku qabeen intii ay ku jireen Xabsiyada dalkaasi.

Dhalinyarada oo la hadlay Warbaahinta Qaranka ayaa tilmaamay iney dhibaato xooggan ay la kulmeen tan iyo intii ay ku xirnaayeen Xabsiyada Liibiya oo ay ka mid tahay jirdil iyo qaarkood oo la adoonsado.

Dadkaan la soo celiyay oo tiro ahaan gaarayay 11-ruux ayaa u mahad celiyay Dowladda Soomaaliya oo dadaal ku bixisay sidii dhalinyaradaasi looga soo furan lahaa magafayaasha dibna loogu soo celin lahaa dalkooda Hooyo.

“ Dhibaatada ugu badan waxaa nagu hayay dadka Muqalasiinta ah oo naga qaata lacago fara badan cidii bixinweysana jirdil u geysan jiray,ma ahan wax aan halkaan ku soo koobi karo dhibaatada halkaasi ka jirtay ilaahaa mahad iska leh oo dalkayaga dib noogu soo celiyay,” ayuu yiri mid ka ah dhalinyaradaasi oo la hadlay Warbaahinta Qaranka.

Dhalinyaradaan hadda dhadhamiyay neecowda udgoon ee dhulkooda hooyo ayaa ka dalbaday Dowladda Soomaaliya iney dhalinyarada kale ee ku dhibaateysan dalkaasi Liibiya dib u soo celiso,kuwaasoo xilligan wajahaya nolol xumo oo aad u daran.

Dowladda Soomaaliya ayaa sameysay xarun lagu daryeelo dadka laga soo celinayo dalka Liibiya si ay u helaan adeegyada asaasiga u ah nolosha sida waxbarasho,caafimaad iyo adeeyada kale ee muhiimka u ah nolosha.

Did you like this? Share it:

LEAVE A REPLY

Please enter your comment!
Please enter your name here