Isbitaal u gaar ah cudurka Qaaxada oo laga hirgaliyey Baydhabo

0
1903

Munaasabada furitaanka cisbitaalka cusub oo lagu magacaabo Tiiraw Hospital ayaa waxaa ka qeybgalay masuuliyiin kasocoday maamulka gobolka iyo kan degmada Baydhabo, agaasimaha wasaarada caafimaadka K/galbeed aqoonyahano  madaxda Jaamacadaha Baydhabo . dhakhaatiir iyo marti sharaf kale

Ugu horeeyn waxaa munaasabadda hadallo kooban ka jeediyey islamarkaasina Sharaxay baahiyaha loo furay Ispitaalka Isxaaq Maxamed Tiiraw oo ah agaasimaha Ispitalka iyo mid ka mid ah dhaqaatiirta Ispitaalka kahowlgali doonta

”Waxaa cispitaalkani si weyn loogu daaweyn doonaa dadka qaba cudurka Qaaxada  oo markii hore isbitaal u gaar ah uusan jirin”Ayuu yiri Isxaaq Maxamed.

Qaar kamid ah aqoonyahanada iyo xubnihii kale ee kahadlay goobta ayaa soo dhaweeyey dadaalka madaxda cisbitaalka cusub oo ay ku tilmaameen arin aad muhiim u ah.

Agaasimah guud ee wasaarada caafimaadka dowlad gobaleedka K/galbeed Isxaaq Fanax iyo gudoomiye ku xigeenka gobolka Baay Cumar Mad Mad,  ayaa  labaduba  ugu hambalyeeyey madaxda cisbitaalka oo haya sida ay sheegeen howl wax badan kusoo kordhineysa adeegyada caafimaad ee gobolka Baay iyo gobolada dariska la ah.

Sidoo kale ganacsatada Soomaaliyeed ayey u jeediyeen in ay sameeyaan maalgashi maadaama ay wax badan kusoo kordhin karto horumarka dalka.

 

 

 

 

Did you like this? Share it:

LEAVE A REPLY

Please enter your comment!
Please enter your name here