Isu Imaatin Lagu Weyneynayo Dhalashada Nabigeena Muxamad (NIKH) Oo Muqdisho Lagu Qabtay

0
1068

Isu Imaatinkani oo lagu weyneynayay Dhalashada Nabigeena NIKH ayaa maanta magaalada Muqdisho lagu qabtay iyadoo ay ka qeyb galeen culumaa’udiin Soomaaliyeed iyo dad badan waxaana inta munaasabadda ay socotay lagu soo bandhigay muxaadarooyin looga hadlay maxabada Rasuulkeena SCW.

Mashaa’ikhda ka qeyb galay isu imaatinkaasi ayaa muxaadarooyin qiira leh ka jeediyay, iyadoo Muxaadarooyinkaasi dadkii goob jooga ka ahaa ay aad ugu riyaaqeen waxaana ay muujiyeen sida muhiim ay u tahay in la weyneeyo Nabigeena Muxamed Naxariis iyo nabad galyo korkiisa ha ahaatee.

Sidoo kale bishani oo ah bisha Mowliidka oo Ku Beegan Dhalashada Nabi Muxamed SCW ayaa dadka Soomaaliyeed waxa ay qabtaan isu imaatin lagu weyneynayo dhalashadaasi, iyadoo saacadihii la soo dhaafay munaasabado noocaan oo kale ah lagu qabtay Magaalada Copenhegan ee dalka Denmark iyo Dalka South Africa kuwaa oo ay soo qaban qaabiyeen dadka Soomaaliyeed ee ku dhaqan dalalkaasi.

Did you like this? Share it:

LEAVE A REPLY

Please enter your comment!
Please enter your name here