Itoobiya oo cusbooneysiisay  ballanqaadkeedii ku aadanaa buuxinta biyo xireenka Al-Nahda

Xukumadda Itoobiya ayaa balan qaaday inay si dhakhsi leh u buuxin doonto Biyo xireenka Al-Nahda, xilli Wasiirka arrimaha dibadda Suudaan Maryam Al Sadiiq Mahdi, ay carabka ku adkeysay mowqifka dalkeeda ee ah in xal Nabadeed laga gaaro khilaafaadka kala dhaxeeya Dowladda Itoobiya.

Bayaan ka soo baxay guddiga fulinta ee xisbiga talada haye ee Itoobiya,  ayaa lagu sheegay in Itoobiya ay tahay isha wabiga Niil, isla markaana ay awood u leedahay inay sare u qaado ka faa’ideysiga Biyaha Wabiga Niil.

Wasiirka Arrimaha Dibadda ee Suudaan, ayaa xaqiijisay in Suudaan ay diyaar u tahay xal nabadeed oo laga gaaro muranka ka taagan Biyo xireenka Wabiga Niil iyo xadka ay la wadaagto Dowladda Itoobiya.

Maryam Al-Mahdi, waxay carrabka ku adkaysay in buuxinta labaad ee biyo xireenka wabiga Niil iyada oo aan heshiis sharci ah laga gaarin ay khatar ku tahay  guud ahaan wadamada Afrika.

Dhanka kale Afhayeenka Midowga Yurub Nabila Masraali, ayaa sheegtay in meesha aanay ku jirin  in xoog milatari lagu xaliyo xiisadda ka taagan Biyo xireenka wabiga Niil ee u dhexeeya Masar iyo Suudaan oo dhinac ah iyo Itoobiya.

Afayeenka midowga yurub waxay carabka ku adkeysay baahida loo qabo in dib loo bilaabo wadahadalo   ay garwadeen ka yihiin midowga Afrika, sida ugu dhaqsiyaha badan, loona qeexo waddo cad oo loo marayo wadahadalada ku qotama Biyaha Wabiga Niil.

LEAVE A REPLY

Please enter your comment!
Please enter your name here