Itoobiya oo sheegtay in hawsha Biyo Xireenka Al-Nahda ay ku dhicidoonto waqtigii loo qorsheeyay

Dawladda Itoobiya ayaa shaacisay in geedi socodka buuxinta labaad ee biyo xireenka Al-Nahda ee Wabiga Niil, uu ku dhici doono waqtigii loogu talagalay.

Bayaan ay soo saartay Wasaaradda Waraabka Itoobiya, ayaa waxay lagu sheegay in muhiimad gaar ah ay u leedahay buuxinta Biyo xireenkan, iyada oo si wada jir ah looga qeyb galaayo.

Wasiirka Biyaha, Waraabka iyo Tamarta Itoobiya, Eng. Silishi Bekele, ayaa ugu baaqay Suudaan iyo Masar, inay soo magacaabaan hawlwadeenno ugu qeyb gala hawsha Biyo xireenka si ay isu weydaarsadaan xogta iyo hawsha ka hor inta aan la bilaabin buuxinta labaad ee Biyo xireenka Al Nahda.

Warqad ku socoto Wasiirada arrimaha Biyaha ee Suudaan iyo Masar, ayaa lagu baahiyay warbaahinta Itoobiya, taa oo looga codsanayo in Dawladahan ay soo magacaabaan dadka ka shaqeeyndoona Biyo xireenka inta aanan lagaarin bilaha July iyo Ogosto ee 2021.

Dhanka kale waddamada Masar iyo Suudaan ayaa sheegay rabitaankooda ku aadan in la gaaro heshiis saddex geesood ah oo ku saabsan ka shaqeynta biyo xireenka inta aan la buuxin, balse Itoobiya, ayaa sheegtay in howshan ay muhiim u tahay oo aan dib loo dhigi karin.

Biyo xireenka Al Nahda ee Wabiga Niil, ayaa la filayaa inuu noqdo isha ugu weyn ee laga dhaliyo tamarta korantada ee Qaaradda Afrika.

LEAVE A REPLY

Please enter your comment!
Please enter your name here