Jaaliyadda Soomaalida ee ku dhaqan magaalada Minneapolis oo soo dhaweeysay duqa Muqdisho “SAWIRRO”

0
1856

Jaaliyadda  Soomaalida ee ku dhaqan magaalada Minneapolis ee gobolka Minnesota ayaa qabatay xaflad lagu soo dhaweynayo guddoomiyaha gobolka Banaadir ahna Duqa magaalada Muqdisho Mudane Yuusuf Xuseen Jimcaale.

Xafladda oo ay soo qaban qaabiyeen Jaaliyadda ayaa waxaa ka qeyb galay qeybaha kala duwan ee bulshada ku dhaqan magaalada Minneapolis.

Qaar ka mid ah dadkii xafladda hadalka ka jeediyay ayaa si  kooban u xusay inay aad ugu faraxsanyihiin guddoonka cusub ee gobolka Banaadir.

Guddoomiya gobolka Banaadir oo xafladda qadka teleefonka uga qeyb galay ayaa sheegay in Jaaliyadda Soomaaliyeed ee dalka Mareykanka, gaar ahaan kuwa ku nool gobolka Minnesota xafladda soo dhaweynta ah ee ay u sameeyeen, waxaana uu xusay in uu si cadaalad ah ugu adeegi doono bulshada Soomaaliyeed.

Ugaas Ismaaciil Cabdulle oo ku hadlayay magaca qaban qaabiyeyaasha xafladda ayaa sheegay inay aad ugu faraxsanyihiin guddoomiyaha cusub ee gobolka Banadir, isagoo ku booriyay in uu ka shaqeeyo danta Ummadda Soomaaliyeed ee xilka loogu dhiibay.

“Waxaan aad ugu faraxsanahay in aan kuu sameyno xaflad soo dhaweyn ah oo ku aadan xilka laguu magacaabay, waxaana kuu rajeyneynaa in aad si hufan u gudan doonto waajibaadka laguu idmaday”ayuu yiri Ugaas Ismaaciil Cabdulle.

 

1 2  4 5 6 7 8 9 10 11 12 13 14 15 16 17 18 19 20 21 22 23 24 12289487_1152629944766849_6488200588168598778_n (1)

 

Did you like this? Share it:

LEAVE A REPLY

Please enter your comment!
Please enter your name here