Jaaliyadda Soomaaliyeed ee Mareykanka oo Taageeray Madaxweynaha Koonfur Galbeed “SAWIRRO”

0
818

Xafladan oo ay soo abaabuleen waxgaradka iyo aqoonyahanka ka soo jeeda Gobolada Koonfur Galbeed ee Soomaaliya ee ku nool magaalada Columbus  ayaa waxa ay ku muujiyeen taageerada ay u hayaan maamulka cusub ee uu Madaxweynaha ka yahay  Shariif Xasan Sheekh Aadan.

Inta badan dadkii ka hadlay ayaa ku dheeraaday marxaladihii gobolada Baay, Bakool iyo Shabeelada Hoose ay soo mareen mudadii ay dalka ka jireen dagaaladii Ahliga ahaa, waxayna ugu baaqeen maamulka cusub in uu la yimaado qorshayaal iyo waxqabad isbadal xanbaarsan, oo ay dadku ku ilooban dhibaatooyinkii ay soo mareen.

Aqoonyahanadii ka hadlay xaflada ayaa ka sheekeeyay Taariikhda dalka iyo xaaladaha gobolada, iyaga oo  Madaxweynaha Maamulka Koonfur Galbeed ee Soomaaliya u soo jeediyay  in looga fadhiyo in uu goboladaas gaarsiiyo halka ay gaareen maamuladii mudada soo jiray, waxayna dhanka kale qaarkood codsadeen in caasimada maamulka laga dhigo magaalada xeebta ku taal ee Baraawe.

Mas’uuliyiintii munaasabadda ka hadashay ayaa maamulka cusub ugu baaqay in uu wadahadal la yeesho dhammaan dadka ka fikir duwan maamulkan in ay la fadhiistaan si loo dhameeyo kala aragti duwanaanshaha ka dhex jira Siyaasiyiinta ka soo jeeda gobolada uu maamulka Koonfur galbeed uu matalayo.

Arimaha dib u heshiisiinta oo ah mid ahmiyad weyn u leh dadka goboladaasi ayay si weyn ugu cel celiyeen masuuliyiintii ka hadlay oo cod dheer uga codsaday Madaxweynaha maamulka koonfur galbeed Soomaaliya in uu xooga saaro sidii loo heli lahaa dib u heshiisiin dhab ah.

Kooxaha madadaalada oo qeyb ka ahaa xaflada ayaa soo bandhigay cayaaraha hidaha iyo dhaqanka, Heeso wadani, ah Shirib iyo Buranburo.

IMG_8098 IMG_8102 IMG_8583 IMG_8607 IMG_8633 IMG_8636 IMG_8642 IMG_8650 IMG_8656 IMG_8665 IMG_8675 IMG_8679 IMG_8700 IMG_8701 IMG_8707 IMG_8709 IMG_8711 IMG_8712 IMG_8724 IMG_8733 IMG_8742 IMG_8757 IMG_8760 IMG_8763 IMG_8783 IMG_8841 IMG_8845 IMG_8861 IMG_8890 IMG_8972 IMG_8992 IMG_9024 IMG_9064 IMG_9075 IMG_9084 IMG_9096 IMG_9128 IMG_9135 IMG_9154 IMG_9157 IMG_9169 IMG_9204 IMG_9208 IMG_9261 IMG_9266 IMG_9280

Deeqo SONNA

Columbus Ohio

 

Did you like this? Share it:

LEAVE A REPLY

Please enter your comment!
Please enter your name here