Jaban oo Hal Milyan oo Dollar ku bixineysa ka hortagga Qaraxyada Argagaxisada

Safaaradda Dowladda Jaban ay ku leedahay dalka Kenya ayaa sheegtay inay Doladeedu hal Milyan oo Doollar ku bixinayso la dagaalanka xadgudubyada ay kooxda xaq jirka shabaab ka geystaan Soomaaliya.

Safaaradu, waxay ku sheegtay Bayaanka ay arrinta ka soo saartay inay kaalmadan lacageed ay Dowladda Jaban u soo marin doonto Soomaaliya Sanduuqa Qaraamada Midoobay ee u qaabilsan la dagaalanka khatarta Miinooyinka.

Baayaankaasi waxaa lagu sheegay in Dowladda Jaban ay shantii sanadood ee la soo dhaafay ay uga qeyb qaadatay sugidda amniga Soomaaliya lacag dhan 7.3 milyan oo Doollar, si looga hortago Waxyeelada Qaraxyada.

Bayaankan ay soo saartay Safaaradda Jaban ee magaalada Nairobi waxaa kaloo lagu sheegay inay sii wadi doonto taageeridda la daagaalanka kooxaha xaqajirka ah si looga hortago waxyeeladooda.

LEAVE A REPLY

Please enter your comment!
Please enter your name here