Jeneraal Saxardiid “Ciidanka ayaa biyo u dhaaminaya dadka ku nool deegaanka C/lle Biroole”

0
4237

Taliyaha ciidanka XDS qeybta Jubbooyinka Jeneraal Ismaaciil Saxardiid ayaa kormeeray deegaanno hoos yimaada magaalada Kismaayo oo dhawaan laga xoreeyay maleeshiyaadka Shabaab.

Jenaraal Saxardiid ayaa soo indha indheeyay xaaladda nololeed ee dadka ku nool deegaannadaasi, iyo waxyaabaha ay u baahanyihiin, isagoo ku soo wareegay deegaanka C/lle Biroole iyo deegaanno kale oo dhawaan laga faramaroojiyay maleeshiyaadka Shabaab.

Dhanka kale Jemeraal Saxardiid ayaa ka dalbaday hey’adaha gargaarka iyo dowladda Federaalka Soomaaliya iney gurmad deg deg ah la soo gaaraan dadka ku dhibaateeysan deegaannadaasi.

Wuxuu intaasi ku daray in dadka ku nool deegaannadaasi ay muddo dheer ku soo jireen dhibaatooyin ay ku hayeen maleeshiyaadka Shabaab, isagoo tilmaamay in hadda ay u baahanyihiin dhamaan adeegyadii lagama maarmaanka u ahaa nolosha bani’aadamka.

Did you like this? Share it:

LEAVE A REPLY

Please enter your comment!
Please enter your name here