Jidgooyooyin sharci darro ah oo yiilay deegaanno ka tirsan Gobolka Shabeelaha dhexe oo lagu guuleystay in la cirib tiro

Maxkamadda ciidamada qalabka sida qaybta 27aad oo howlo shaqo u joogta Gobolka Shabeelaha Dhexe ayaa ku guuleysatay in dhamaan la qaado jid gooyooyin ay dhigan jireen maleeshiyaad hubeysan deegaanno ka tirsan gobolka.

Xeer Ilaaliyaha Maxkamadda Ciidanka Qalabka Sida Qeybta 27aad Gaashaanle Maxamed Cabdiqaadir Maxamed oo la hadlay Radio Muqdisho ayaa sheegay in caawa aysan jirin hal jid gooyo oo taala deegaannada gobolka, waxaana uu intaa ku daray in ciidamada xoogga dalka ay ku amreen inay gacan bir ah ku qabtaan kooxaha qowleysatada ah ee dooneysa inay dhibaateeyaan shacabka.

“Maleehiyaadka jid gooyooyinka dhigan jiray deegaanno ka tirsan Gobolka Shabeelaha Dhexe waa laga cirib tiray, hadda ciidamada qalabka sida waxa ay amar ku qabaan inay ula dagaalamaan sidii ay ula dagaalamaan caddowga Ummadda Soomaaliyeed ee Al-Shabaab oo kale” ayuu yiri Xeer Ilaaliyaha Maxkamadda Ciidanka Qalabka Sida Qeybta 27aad Gaashaanle Maxamed Cabdiqaadir Maxamed

 

 

LEAVE A REPLY

Please enter your comment!
Please enter your name here