Jihadi John wuxuu rabay inuu ku biro Shabab balse naftiisa ayuu u baqay “War-bixin”

0
1567

Maxamed Emwazi oo loo yaqan Jihadi John, ahna ninka British-ka ah ee kooxda falaagada ah ee ISIS u qaabilsan gawracista dadka ay kooxdaas qabsato ayaa doonayey in uu ku biro Shabaab ka hor inta uusan xubin ka noqon Daacish, balse qorshahaasi ka laabtay kaddib markii qaar saaxaabadiis ay Shabaabku dileen.

Emwazi ayaa ka laabtay go’aankiisa kamid noqoshada Shabaab oo qaybo ka mida dalka Soomaaliya dagaal ka wadda kadib markii qaar saxibadiisa ka yimid London kuna biiray ururka, isla kooxda Shabaab dabin ay dhigtay lagu dilay, waxa uu Emwasi ku andaconaya in kooxda khilaaf soo kale dhexgalay khiyanadasna ay sameysay.

Jihadi John, isaga oo u baqaya noloshiisa ayuu qaatay go’aanka ah inuusan ku biirin Shabaab sida ay wareynayso  wargeyska the Independent oo Ingiriiska ka soo baxa

Hadalkan ayaa sheegay 29-sano jirka reer Syria, Ayman oo la soo shaqeeysay Daacish balse dafiray kamid ahaanshihiisa kooxdaas, wuxuse sheegaya in uu la kulmay Jihadi John markii uu gallay woqooyiga Syria.

Ayman ayaa u sheegay the Independent in Jahadi John uu isaga u sheegay in haddii uu aado Soomaliya isaga laftiisa la dilayo.

“Waxa ay ahayd layaab, waxa dhexda uga jirnay dagaal waxana uu doonayey in uu igala hadlo dagaal kale, Maxamed Emwazi ma daneynaynin Shabab, waxa uu ka xanaqsana waxa ka dhacay Africa, qaar saaxibadiis ayaa la dilay, qaarna xabsi baa loo diray wuxuna mooday in la khiyanay”.

2009, Emwazi waxa lagu eedeyey in uu isku dayey inuu ku biro Shabab kadib markii uu safar ku tagay Dares Salaam, caasimada dalka Tansaniya isaga oo ay koox asxaabtiisa ah wehliyaan, waa la xiray bishii August, 2009-kii waxana dib looga celiyey Yurub.

Dabcan dawlada Ingiriiska way ka xuman lahayd uma aysan ogalan inuu aado Somaliya, xaqiiqdii sida saxiibadiisa oo kale ayuu u dhiman lahaa hadda sidaas waxa leh Ayman.

2012, Emwazi  wuxuu aaday Siriya isagoo ka soo tagay UK halkaas oo ugadameyn ku biiray ISIS.

Labada saaxiib waa Bilal Al-berjawi iyo Maxamed Sakr oo saaxibada Jihadi John ahaa, waa la istaajiyey waana laga soo musafuriyey Kenya iyagoo markas la qabanaya ay ku soo jeedeen Somaliya, balse waxa ay ku guuleysteen in ay soo gaaraan Soomaaliya isku daygoodii labaad. Labadana waxaa mar dambe lagu dilay duqeyn diyaaradaha aan cidina wadin ee Mareykanka.

Sida uu Ayman sheegayo, Emwazi waxa aan shaki uga jirin in saaxibadiisa la khiyaanay taasoo in ay dhintaan keentay, wuxuu aaminsan yahay in saaxibadiis halka ay joogeen loo Sheegay Mareykanka ayna Shabaab xubno kamida u sheegeen maadaama kooxda uu ka dhex jiray loolan awoodeed oo gudaha ah.

Emwazi ayaa lagu soo waramayaa in uu aamin san yahay in kooxda Shabaab ay ku dhex jiraan sir-doon reer galbeed ah taaso keenta shirqool dil ah oo loo gaysta ajaanibta kooxdaasi ku biireysa.

Arragtidiisu waxa ay ahayd in haddii hay’addaha sirdoonka aysan ka hor tagin dadka aadaya Soomaaliya, waxa ay taasi bedelkeeda ku dilayaan marka ay Soomaaliya tegaan, wuxuu shaki buuxda ka qabay kuwa wax basaasa, ku tala galkiisa waxa uu ahaa in uu Shabab ku biiro balse ma yeelin oo aad buu uga carrooday waxa ay sameyeen”.

The Independent ayaa qortay waxaana turjumay

 Maxamed Cisman Cabdi “Black Cobra”

Did you like this? Share it:

LEAVE A REPLY

Please enter your comment!
Please enter your name here