Joe Biden oo Xisbigiisu u caleema saaray doorashada soo socota ee Maraykanka

Xisbiga dimuqraadiga ee dalka Maraykanka ayaa xalay si rasmi ah ugu dhawaaqay, in Joe Biden uu yahay musharraxooda doorashada madaxtinmada Mareykanka ee dhici doonta 3-da bisha November.

Xisbiga dimoquraadiga ayaa musharraxnimada Biden uga dhawaaqay habeenkii labaad shirweynahooda oo sannadkaan marki ugu horreysay ay ergada uga qeybgalaysa hab maqal iyo muuqaal ah oo interner-ka la soo dhexmarsiinayo, sababo la xiriira Covid19.

Dadkii shirka xalay ka hadlay ayaa waxaa ka mid ahaa, Jill Biden oo ah marwada Joe Biden,dadka kale ee magaca ku dhex lex xisbiga dimoquraadigga ee shirweynaha ka hadlay ayaa waxaa ka mid ahaa, madaxweynayaashi hore ee Mareykanka Jimy Carter iyo Bill Clinton, Alexandria Ocasio Cortez oo ah xildhibaanad saameyn leh oo ka tirsan aqalka wakiilada lagana soo doorto New York, iyo John Cary xoghayihi hore ee arrimaha dibadda Mareykanka.

LEAVE A REPLY

Please enter your comment!
Please enter your name here