John Kerry oo la kulmi doona wasiirada arimaha dibadda bariga Afrika

0
1991

Xoghayaha arimaha dibadda ee dalka Mareykanka John Kerry ayaa maanta sideed kamid ah wasiirada dalalka Afrika waxaa uu kula kulmi doonaa magaalada Nairobi ee dalka Kenya, ayagoo ka wadahadli doono sidii loo xakameyn lahaa dagaalka sokeeye ee ka socda dalka Suudaanta koofureed iyo xaaladda siyaasadda Soomaaliya.

Mr. Kerry ayaa waxaa uu sidoo kale la kulmi doonaa madaxweynaha dalka Kenya Uhuru Kenyatta ka hor inta uusan ka qeybgalin shirka wasiirada arimaha dibadda dalalka Kenya, Uganda, Suudaanta koofureed , Suudaan, Djibouti, Tanzania, Soomaaliya iyo Ethiopia to discuss
“Waxaa ka wadahadli doonaa sida aan horey ugu dhaqaajin laheyn isku dayga hirgelinta heshiis nabadeed wadanka Suudaanta koofureed,”  sidaa waxaa sheegay sarkaal sare oo ka tirsan waaxda arimaha dibadda.

“Dadka Suudaanta koofureed muddo dheer ayay dhibaatoonayeen, sii socoshada xasilooni la’aanta ayaa keentay in ay malaayiin kamid ah dadkaas ay guriyahooda ka qaxaan isla markaana xaaladda bani’aadanimo noqoto mid faraha ka baxda,”

John Kerry, ayaa madaxweynaha dalka Kenya Uhuru  Kenyatta waxaa arimaha uu kala hadli doono kamid ah xaalada siyaasadeed iyo tan amni ee Soomaaliya maadaama dowladda Kenya ay kamid tahay dalalka ciidamada ka howlgalaan Soomaaliya.

Mr. Kerry, ayaa sidoo kale madaxda Kenya ku boorin doona in ay ka laabtaan go’aankii ahaa in ay albaabada u laabi doonaan xeryaha Dhadhaab oo ay ku jiraan dad Soomaaliyeed uu muddo ka badan 20 sano halkaasi ku noolaa.

Xoghayaha arimaha dibadda ee dalka Mareykanka waxaa uu kadib booqashadiisa dalka Kenya u gudbi doonaa dalka Nigeria isagoo tagi doona magaalada Sokoto, oo ah magaalo taariikhi ah oo ay degaan muslimiinta dalka Nigeria, waxaana uu magaalada Abuja kula kulmi doona madaxweynaha dalkaas Muhammadu Buhari.

 

Did you like this? Share it:

LEAVE A REPLY

Please enter your comment!
Please enter your name here