Jowhar oo howlgal amniga ah laga sameeyey

994

Ciidammada ammaanka dowladda Federaalka Soomaaliya, ayaa howlgallo ammaanka lagu xaqiijinayo ka sameeyey degmada Jowhor ee xarunta gobolka Shabeellada Dhexe, kaas oo qeyb ka ah qorshaha maamulka gobolkaasi ee dhanka nabad-galyada.

Ciidammada ammaanka dowladda Soomaaliya ayaa baaritaanno ka sameeyey xaafadaha ay ka kooban tahay degmada Jowhar sidoo ciidammada ayaa baarayey waddooyinka, gaadiidka dadweynaha iyo kuwa gaarka loo leeyahay iyo dadka caadiga waddooyinka u isticmaalayey, saraakiisha howlgalkaasi hoggaamineysay ayaa sheegay in u jeedada laga leeyahayna ay tahay in amniga lagu xasiliyo, muhiimna ay tahay in dadweynaha ay qeyb ka qaataan nabadda.

Guddoomiye ku xigeenka dhinaca arrimaha Bulshada iyo amniga ee gobolka Shabeellada Dhexe Axmed Meyre Makaraan, ayaa howlgalkaasi kaddib warbaahinta Qaranka si gaar ah ula hadlay una sheegay in maamulka gobolka ay ka go’antahay in la xoojiyo xasiloonida amni ee guud ahaan gobolka, waxa uu intaa raaciyey in ciidamada ammaanka ay sii wadi doonaan howlgalladan, hasa yeeshee shacabka ay ka codsanayaan in ay la shaqeeyaan ciidammada isla markaana ay dulqaad muujiyaan.

Dhinaca kale Mudane Axmed Meyre Makaraan, ayaa yiri “waxaan ku dadaali doonaa sidii arrimaha wax soo saarka gobolka kor loogu qaadi lahaa oo la isugu xiri lahaa shacabka iyo maamulka gobolka, si loo sameeyo iskaashi wadajir ah oo ku saleysan wax wada qabsi horumar leh.

Did you like this? Share it:

LEAVE A REPLY

Please enter your comment!
Please enter your name here