Juventus oo Bareejo Gashay iyo Kooxaha Napoli,Torino iyo Sassuolo oo Guulo Gaaray

0
1016

Kooxda Udinese ayaa garoonkeeda Stadio Friuli barbardhac 0-0 ah kula gashay kooxda Juventus oo hogaamineyso horyaalka talyaaniga ee Serie A-da.

Kooxda Juventus ayaa iska qasaarisay fursad ay ku sii kordhisan laheyd dhibcaha ay ku hogaamineyso horyaalka,maadaama kooxda Roma ay xalay bareejo la gashay kooxda Empoli.

Kooxda Juventus ayaa horyaalka talyaaniga ku hogaamineyso 50-dhibcood,halka kooxda Udinese ay horyaalka uga jirto kaalinta 11-aad,iyadoo leh 28-dhibcood.

Kooxda Chievo Verona ayaa waxaa garoonkeeda Satdio Bentegodi 1-2 uga badiyay kooxda Napoli.

Ciyaaryahan Bostjan Cesar ayaa qeybtii hore ee ciyaarta si qalad ah gool ugu dhaliyay kooxdiisa Chievo Verona.

Ciyaaryahan Miguel Britos oo daafaca uga ciyaara kooxda Napoli ayaa gool barbardhac ah ka dhaliyay kooxdiisa Napoli,waxana qeybtii hore ee ciyaarta lagu kala nastay 1-1.

Ciyaaryahan Manolo Gabbiadini ayaa qeybtii danbe ee ciyaarta goolka labaad ee guusha u dhaliyay kooxda Napoli.

Kooxda Napoli ayaa kaalinta sedaxaad uga jirto horyaalka talyaaniga,waxana ay leedahay 39-dhibcood,halka kooxda Chievo Verona ay ka mid tahay sedaxda kooxood ee horyaalka ugu hooseeya.

Kooxda Torino ayaa garoonkeeda Olimpico di Torino 5-1 uga badisay kooxda Sampdoria.

Ciyaaryahan Fabio Quagliarella ayaa sedax kamid ah goolasha u dhaliyay kooxda Torino,halka labada gool ee kale ay u kala dhaliyeen ciyaaryahanada kala ah Amauri iyo Bruno Peres.

Kooxda Sampdoria ayaa kala horeynta horyaalka talyaaniga uga jirto kaalinta shanaad,waxana ay leedahay 34-dhibcood,halka kooxda Torino ay horyaalka uga jirto kaalinta sagaalaad,iyadoo leh 28-dhibcood.

Kooxda Sassuolo ayaa garoonkeeda Stadio Città del Tricolore 3-1 uga badisay kooxda Inter Milan.

Kooxda Sassuolo ayaa waxaa sedaxda gool u kala dhaliyay ciyaaryahanada kala ah Simone Zaza, Nicola Sansone iyo Domenico Berardi.
Berardi

cele

celeee

icardi

Icardii

sad

Ciyaaryahan Nicola Sansone oo mid ka mid ah goolasha dhaliyay ayaa dhamaadkii ciyaarta kaarka casaanka ah ka qaatay kooxda Sassuolo.

Ciyaaryahan Isaac Donkor ayaa sidoo kale dhamaadkii ciyaarta kaarka casaanka ah ka qaatay kooxda Inter Milan.

Kooxda Sassuolo ayaa kala horeynta horyaalka talyaaniga uga jirto kaalinta tobanaad,waxana ay leedahay 28-dhibcood,halka kooxda Inter Milan ay horyaalka uga jirto kaalinta 13-aad,iyadoo leh 26-dhibcood.

Did you like this? Share it:

LEAVE A REPLY

Please enter your comment!
Please enter your name here