Ka qeyb galayaasha shirkii safarka iyo dalxiiska oo kulan dhiiri gelin ah loo sameeyay

Kulan lagu dhiiri galinayay ka qeyb galayaasha shirkii safarka iyo dalxiiska dalka ee shalay la soo gabagabeeyay ayaa lagu qabtay magaalada Muqdisho.

Kulanka oo ahaa mid casho sharaf ah, isla markaana Xildhibaan Maxamed Nuur oo ah milkiilaha Hotelka Elite uu ku casuumay Madaxda Wasaaradda Warfaafinta iyo ka qeyb galayaasha shirkii Safarka iyo dalxiiska, waxaana madasha si wada jir ah loo tilmaamay in Soomaaliya ay leedahay goobo badan oo dalxiika ku wacan, loona baahanyahay in laga wada shaqeeyo xoojinta Nabadgelyada.

Wasiirka Warfaafinta, Dhaqanka iyo Dalxiiska ee Xukuumada Soomaaliya Mudane Maxamed Cabdi Xayir (Maareeye) ayaa sheegay in Soomaaliya ka soo ka batay bur bur, isla markaana ay leedahay dhinac fiican oo ay ka muuqato rajo ifaya, isagoo bulshada ku booriyay inay maalgashi ku sameeystaan dalkooda.

Wasiir Maareeye ayaa hoosta ka xariiqay inay jiraan fursado ay ka faa’iideysan karaan dadka maalgashanaya gudaha dalka, dowladduna ay ka shaqeyneyso xaqiijinta amniga, si meesha looga saaro in aan loo dalxiisi tegi karin Soomaaliya.

Todobaadkii hore Golaha Wasiirada ee Xukuumadda Soomaaliya ayaa meel mariyay siyaasadda Qaran ee dalxiiska dalka oo ay soo diyaarisay Wasaaradda Warfaafinta, dhaqanka iyo dalxiiska taasi oo abuureysa in ganacsatado badan ay gudaha dalka ka hirgeliyaan dhismayaal iyo meelo kale oo qurux badan oo dalxiiska ku wanaagsan.

 

 

 

LEAVE A REPLY

Please enter your comment!
Please enter your name here